என் அன்னைக்கு அடுத்த அன்னை !

கெஞ்சியும் கொஞ்சியும் ,

ஆசையாய் அதட்டலாய் ,

பாலுட்டி சோறூட்டி ,

இருபதுவரை என் தாய் ,

இறுதிவரை என் தாரம்!

என் தொப்புள் கொடி உறவுக்கு

தோள் கொடுக்க வந்த

தாலிக்கொடி உறவு !

தாய் ,தந்தை ,

அதற்கடுத்தபடியாய் மனிதரில்

பார்க்கும் மூன்றாவது தெய்வம் ,

எனெக்கான நலம் நாடி ,

அழுகையிலும் சிரிப்பிலும் ஒன்றான

என் இறுதி நண்பன் ,

என் நலத்தோடு சேர்த்து ,

என் குடும்பத்தாரை

உணவிட்டு அரவணைக்கும்

அடைகாக்கும் பறவை !

என் சுக துக்கங்களின்

சுமைதாங்கி !

இருட்டு உலகில்

எனக்கு வழிகாட்ட வந்த

ஒளி விளக்கு ,

என் விந்து துளிகளை

விதையாக்கி

என் வம்சத்தை விருட்சமாக்கும்

புண்ணிய பூமி,

பிள்ளை வரத்தின் ,

படைப்பாளி !

என் முழுமையான

முந்தானை உலகம் ,

இன்பத்திலான வீட்டு சிறை ,

என் சுகம் , சோகங்களின்

பிறப்பிடம் ,

அன்பில் அம்மா ,

அறிவுரையில் அப்பா,

வெளிப்படையான விஷயங்களில் நண்பன் !

என்னையும் என் உறவுகளையும்

நேசிக்கும் ஓர் உன்னத உறவு ,

என் எதிர்கால திட்டங்களின் பயனாளி ,

நாங்கள் சம்பாதித்து சேர்திடாத

குடும்ப பொக்கிஷம் ,

எங்கள் குடும்ப குத்துவிளக்கு ,

எங்கள் வீட்டில் கொலுசின் ஓசையில்

நடமாடும் தெய்வம் !

என்னையும் தெய்வமாக்கிய ஒரே துணை ,

என்னை எழுப்பும் காலைமணி ,

விடியலில் நான் முகம் பார்க்கும் கண்ணாடி ,

என் அதிர்ஷ்டங்களின் தேவதை ,

என் அந்தரங்கத்தில் சரிபாதி !

என் இளமை எதிர்பார்ப்பின் பரிசு ,

என் இல்லத்தை ஆளவந்த அரசி ,

கால கட்டளைகளில் அடங்காத நான்

அவள் காம கட்டளைகளில் அடங்கி இருக்கிறேன் !

உலகமே சுகமாகும், ,

மெத்தைகள் மீது வெறுப்புவரும் ,

அவள் மடிசாய்ந்து ,

தலைகோதி கன்னசரும் நேரத்தில் !

கடமைகளில் எனக்கு இணையானவள் ,

வெளிப் பொறுப்புகளை நான் பார்க்க ,

வீட்டு பொறுப்பு அவள் கையில் ,

என் வரவு செலவுகளில் மனம் நிறைந்த

மனையாள் !

உறவுகளில் புதிரானவள் ,

உணர்வுகளில் கடவுள் ஆனவள் ,

உலகம் போற்றும் பென்மையானவள் ,

மென்மையே குணமானவள் !

அன்பே உருவானவள் ,

அனைத்திலும் நிறைவானவள் ,

என் கருத்தினில் கருவானவள் ,

கனவிலும் நினைவிலும்

என் கடவுளானவள்!

என் மனைவி நிமிஷா ரமேஷ் !!!!